企鵝係⋯⋯

企鵝（學名：Spheniscidae）係一種唔識飛嘅雀，屬於企鵝目，企鵝科。

企鵝主要係喺南半球生活，依家知道全世界有十七、八種企鵝，多數分佈喺南極地區，而其中環企鵝屬嘅漢波德企鵝、麥哲倫企鵝同黑腳企鵝都分佈喺較低緯度嘅溫帶地方，至於加拉帕戈斯企鵝，就分佈更加接近赤道；而完全喺極地生活嘅企鵝得皇帝企鵝同阿德利企鵝兩種。

《維基百科》

好啦你話咁 Pingu 又係咩嚟？

企鵝家族（英語：Pingu）是一部由歐特馬·顧特曼（英语：Otmar Gutmann）[1]創作的瑞士兒童黏土動畫，風格為歐式動畫及3D動畫，第一至四季於1990年開始製作，一開始在瑞士的電視臺播放，後來擴展至各國。後來轉於英國重啟該系列，於2003年起製作第五至六季。該系列於2006年正式完結。

《維基百科》

Pingu 都只係個網名，亦係好近期嘅網名。事緣係有一年同個老友去名古屋旅行，因為一齊去名古屋水族館，裡面有養皇帝企鵝，就講開呢個由爸爸孵蛋媽媽獵食嘅神奇物種。

但我最深刻嘅並不是呢個反人類性別定型嘅行為，而係皇帝企鵝爸爸s喺南極嚴冬孵蛋時，會為咗取暖堆埋一齊。但佢哋又唔係企定定喺度，而係會好有規律咁微調位置，令核心外圍有機會入核心內圍取暖，而核心內圍又可以去核心外圍抖吓氣，唔會過熱。對我嚟講，呢啲簡直叫完美 team work ！

自此，我就愛上咗皇帝企鵝，甚至乎開咗個 IG acc 陣係放企鵝畫。

咁夢想寫曲到轉行寫曲，又係一段好長嘅故。但簡單啲講，自己以為自己愛音樂愛到可以作曲搵食，但後來發現自己性格問題，融入唔到音樂圈子。後來機緣巧合喺一條 international research team 幫手，接觸返 programming ，發現自己對 problem solving 有極大耐性，於是立志轉行，寫唔到此曲，就寫彼曲。

經過幾年努力， 2017 年正式入行。跌跌撞撞，後來 2020 年 3 月以合約形式入咗 FAANG 其中一間，是為寫曲之旅其中一個高峰。我不會話呢個已係終點，但時候未到，有啲事就未可以執行，暫時喺 backburner burn 吓先啦！